مخمصہ

میں خون بیچ کر روٹی خرید لایا ہوں

فقیہِ شہر بتا  یہ حلال  ہے  کہ  نہیں؟

بصارت

جب سے چوما ہے تیری آنکھوں کو

مجھے تب سے للگتا ہے

میں ہونٹوں سے دیکھ سکتا ہوں

زمانے کے انداز بدلے گئے

کیا کبھی آپ نے پاکستان کے موجودہ کرنسی نوٹوں کا مشاہدہ کیا ہے؟

کسی دور میں “حصولِ رزقِ حلال عین عبادت ہوا کرتا“ تھا۔

پر اب؟؟؟

اسلام میں شرک اور غلو

لیکچر از مولانا توصیف الرحمان

Part I

Part II

Part III

Part IV

Part V

Part VI

لا علاج

عشق پر طب کا اطلاق نہیں
ورنہ یہ زخم بھر گئے ہوتے

تمہید

ریل  کی سیٹی میں کیسی درد کی تمہید تھی

تم  کو   رخصت   کر  کے   لوٹا   تو   یاد   آیا

 

لاعلمی

ستارے بانٹتا ہے وہ ضیاع تقسیم کرتا ہے

سُنا ہے حبسِ موسم میں ہوا تقسیم کرتا ہے

اُسکی اپنی بیٹی کی ہتھیلی خشک رہتی ہے

جو بوڑھا دھوپ میں اکثر حِنا تقسیم کرتا ہے

کوئی روکے اُسے جا کرسراسر ہے یہ پاگل پن

جو بہروں کے مُحلے میں صدا تقسیم کرتا ہے

اُسی سے مانگ تُو ساقی باقی چھوڑ دے سب کو

جو پتھر میں بھی کیڑے کو غذا تقسیم کرتا ہے

رونقیں

بین کرتی عورتیں

رونقیں ہیں

….موت کی

!سوچئے

یہ عظمت باطل دھوکہ ہے
یہ ثروت  کافر کچھ بھی نہیں
مٹی کے کھلونے ہیں سارے
یہ کفر کے لشکر کچھ بھی نہیں
اللہ سے ڈرنے والوں کو
باطل سے ڈرانا مشکل ہے
گر
خوف خدا ہو دل میں
کسریٰ و قیصر کچھ بھی نہیں
دستور بھی ہے
تنظیم بھی ہے
تہذیب بھی ہے
تعلیم بھی ہے
قرآن میں پنہاں سب کچھ ہے
قرآن سے باہر کچھ بھی نہیں
اسلام اگر منظور نہیں
قرآن اگردستور نہیں
پھر خاک ایسی آزادی پر
یہ ملک‘ یہ لشکر کچھ بھی نہیں۔۔۔

خدشہ

وہی ہوا نا‘ بچھڑنے پہ بات آ پہنچی

تجھے کہا تھا پُرانے حساب رہنے دے